ئاژانسی كوردستان بۆ دەنگوباسهەواڵی سەربەخۆی عێراق

شۆڕشێك بۆ كتێبی كوردی

كێشەی كتێبی كوردی ئەوەیە دابەشكردنی نییە. كۆمپانیایەك نییە كتێب بگەینێ بە خوێنەرانی. هەروەها كتێبخانە و شوێنی فرۆشتنی كتێب لە شارۆكە و گەورە دێیەكاندا یان هەر نییە یان دەگمەنە. لە شارە گەورەكانیشدا كتێبخانەكان لە شوێنی چەوتدان. بەبرای خۆم بڵێم، هۆڵی شیاویش نییە بۆ پێشانگەی كتێب. هەرچەندی دەكەین كتێب ناگا بەپیاوی خۆی، وای لێ هاتووە كتێب و خوێنەر وەك ئاشق و ماشووق نەگەن بەیەك.

دەزگای ئاراس چارەسەری بۆ ئەمەش دۆزییەوە. بیر هەبێ چارەسەریش هەیە. پاسیان كڕیوە بۆ گەیاندنی كتێب بە شوێنان. ئیتر پەك ناكەوێ لە نەبوونی كۆمپانیای دابەشكردن. پاسەكەی ئاراس دێ بۆ ئەو شوێنەی ئێوەی لێن. دە بڵێ ئەمە شۆڕش نییە لە رۆشنبیریی كوردیدا؟